sa bzang ma ti paN chen blo gros rgyal mtshan/

khong ni mnga' ris su yab bzod pa dpal dang/ yum padma btsun gnyis kyi sras su shing pho rta lor sku bltams/ dgung lo bzhi la byams pa'i chos lnga kha ton mdzad/ dgung lo bdun la grub thob byang rin pas ri khrod du gdan drangs nas khrid dang man ngag zab mo gsan cing rtogs pa khyad par can rgyud la 'khrungs/ dgung lo dgu par bla ma rin chen bzang po las phar tshad gsan/ dgung lo bco lnga par snye thang du mkhan po bkris seng ge'i drung du dge tshul zhus/ mtshan blo gros rgyal mtshan dpal bzang por gsol/ de nas ra lung dang/ sa skya/ brag ram sogs su byon te bla ma ye shes rgyal mtshan/ 'jam dbyangs chos kyi rgyal tshan/ bla ma bsod nams bzang po sogs las 'dul ba/ mngon pa/ tshad ma/ phar phyin/ gur brtag sam gsum/ bshed skor/ zhi byed/ na ro chos drug sogs mdo rgyud du ma'i man ngag gsan/ dka' bcu 'dzin pa'i grags pa byung/ dgung lo nyer lnga par zha lur du mkhan po rin chen grags pa'i drung du bsnyen par rdzogs/ de nas chos rje kun mkhyen gyi zhabs drung du 'bral med du bsten nas chos rje la mnga' ba'i chos skor yongs rdzogs zhus shing mkhas par gyur/ gzhan yang kun spangs chos grags dpal dang/ lo tsA ba blo gros brtan pa sogs las zab chos du ma dang/ sgra sogs tha snyad rig gnas du ma gsan/ bla ma zla ba rgyal mtshan gyis sa bzang dga' ldan gyi 'tshogs dpon du gdan drangs/ dgon gnas gzhi rten dang bcas pa phul nas der bzhugs nas chos kyi 'khor lo bskor te bstan 'gro'i don mdzad/ mthar dgung lo gya gsum pa me phag lo tha skar zla ba'i tshes bco lnga la zhi bar gshegs/

byangs sems rgyal ba ye shes kyis mdzad pa'i dpal ldan dus kyi 'khor lo jo nang pa'i lugs kyi bla ma brgyud pa'i rnam thar shog grangs 159/ deb gzugs/ mi rigs dpe skrun khang /

p>. gong dkar dga' bas/ [version: 2019-02-03]