mkhan chen byams pa legs tshogs/

yul dbus kyi g.yo ru rgyal grub gling gi sa yi char mal cha leb pa zhes pa'i khyim du yab bu a ni dang / yum rdo rje sgrol dkar gnyis kyi sras su/ sa sbrul/ phyi lo 1929 lor sku 'khrungs/ dgung lo brgyad par gong dkar chos sde'i dgon par tshogs zhugs mdzad par/ a khu brtson 'grus lags nas rgyun gtan gyi 'tsho ba'i lta rtog gi thugs 'gan bzhes/ de nas yi ge 'bri klog nas gong dkar gyi phyag len yongs rdzogs tshogs gzhung du rgyugs 'bul mdzad/ mi ring bar khu bo dgongs pa rdzogs pas/ mkhan chen nyid la gzim shag dang gnyen nye gzhan med stabs re zhig dpal khang gling gzims shag sogs su gnas g.yar nas bzhugs dgos byung / de rjes pha ma gnyis nas rin chen rgyan 'phel zhes pa'i gzim shag rnying pa rgya khyon chung chung zhig blu nyo gnang nas 'bul bar gnang / mkhan chen ye shes dpal bzang dang / mi nyag skyor dpon sogs la bsten nas/ bod kyi brda sprod skor nas/ sdom gsum dang / tshad ma rigs gter sogs gzhung lugs spyi dang / rdo rje gdan pa 'jam dpal lung rtogs dang / yongs 'dzin 'jam dpal mdo sngags/ gsang sngags mkhar mkhan chen brtson 'grus rin chen/ dge ba'i bshes gnyen ye shes dpal bzang sogs kyi drung nas rdzong lugs kyi lam 'bras sogs thun mong ma yin pa'i dbang lung khrid man ngag dang bcas pa gsan bsam mthar phyin par mdzad/ de nas dgung lo nyer brgyad bzhes pa/ phyi lo 1958 lor bkra shis 'bras spungs khang tshan gyi mkhan por mnga' gsol/ mi ring bar tshogs chen mkhan po dang / dbu rtse bla ma lha khang gi rdo rje slob dpon bcas kyi thugs 'gan bzhes/ skabs der dus tshod shin tu gnyan 'phrang du gyur bas sku ngal chen po mdzad dgos byung / bod du rgya mis btsan 'dzul dbang gis dgon par bzhugs dbang med par/ rgyal grub gling shang du zhing srung dang 'bru srung / ma byan sogs btsan gyis bskul bas sku ngal che tsam byung yang / dge sbyor thugs dam rnams lkog tu chag med dang / zhor du shi gson mang por sku rim dang zhabs brtan sogs dad ldan dag gis re ba bzhin bsgrubs par mdzad/ chu khyi/ phyi lo 1982 lo tsam nas rgyal grub gling chos sdings ri khrod nyams gso mdzad/ de nas yang / shing glang / phyi lo 1985 lo'i bod zla 4 tshes 15 nyin gdan sa chen po gong dkar chos sde rtsis bzhes gnang ba dang / bod zla 7 tshes 14 nyin mkhan rin po che yang dgon du chibs bsgyur mdzad de/ tshes 15 nyin tshogs chen mkhan po'i bzhugs khrir mnga' gsol gyis bstan pa gso ba'i ched du grwa gsar bcu tsam chos sgor 'jug par mdzad/ 'on kyang bstan pa'i gegs lta bur lo de rang du dgung lo 56 bzhes pa'i bod zla 12 tshes 6 nyin mkhan rin po che sku gshegs/

mkhan rin po che'i byams pa legs tshogs kyi rnam thar nyung ngur btus pa/ zhal slob byams pa tshe ring lags kyis bris pa las btus/

p>. gong dkar dga' bas/ [version: 2018-05-10]