lam 'bras kyi bla ma brgyud pa'i rnam thar ngo mtshar snang ba/

f. 47b: de ltar bla ma'i gsung dang dam pa'i ngag /brgyud pa'i tshig la rigs pas legs dpyad nas/ /mtha' gnyis spangs te brgyud pa'i bla ma yi/ /mdzad spyod rmad byung ngo mtshar dpag yas las/ /che long tsam zhig bsdus nas 'dir bkod do/ /dam pa'i yon tan gting mtha' mi dpogs shing / /bdag blo srin bu me khyer lta bu yis/ /mos pa'i blo yis cung zad dpyad pa la/ /nongs pa gang de bla ma'i tshogs la bshags/ /dge bas rtag tu bla ma'i zhabs pad mor/ /gus pas brten zhing de dag thugs rje yis/ /nye bar bzung ste sangs rgyas bgrod par shog /bla ma brgyud pa'i rnam thar ngo mtshar las kyang ches ngo mtshar du snang ba zhes bya ba 'di ni/ shAkya'i dge slong rdo rje 'dzin pa bsod nams rgyal mtshan dpal bzang pos/ nyi sgrol gyi lo sa ga zla ba'i nyer gsum la kha'u skyed lhas kyi dgon par sbyar ba'i yi ge pa ni dge ba'i bshes gnyen shes rab rdo rjes bgyis te/ mthar phyin par grub pa sa ma pA tha mi thi/ 'dis kyang bstan pa dang mtha' yas pa'i sems can la phan pa rgya chen po 'byung bar gyur cig /