rdo rje 'chang blo gros dbang phyug

rje 'di'i mtshan gzhan la/ mkhas grub dam pa blo gros dbang phyug gong dkar rdo rje 'chang blo gros dbang phyug sgyi chu mkhan chen blo gros dbang phyug ces grags/ rje 'di ni rab byung bcu pa'i nang du byon/ 'jam mgon a mes zhabs dang / byams pa bstan pa rgya mtsho sogs dang / lhag par du/ gong dkar mngon dga' ba mang thos rgya mtsho nas dpal sa skya pa'i yab chos yang phur gnyis la sogs pa gsan te mkhas par sbyangs/ lcags glang / phyi lo 1721 lor/ ngag dbang kun dga' bsod nams rin chen gong dkar rdo rje gdan du gdan drangs te/ 'dus tshogs nas kye rdor gur rigs bsdus sogs kyi mchod gar dang / rdo rje gzhon nu'i grub 'chams/ gur gyi mgon po'i las mkhan ru 'dren gyi gar 'chams rnams gzigs 'bul zhus shing / thun mong ma yin pa'i mgon khang sogs gtsug lag khang dang / kun mkhyen rdo rje gdan pas dben gnas su btab pa'i bde chen chos 'khor sogs la gnas gzigs su gdan drangs/ ma zad rje 'dis gong dkar rdo rje gdan gyi chos grwa nyid du/ bdag chen sngags 'chang ngag dbang kun dga' bsod nams rin chen la/ skyabs gsum 'dzin pa dang yongs rdzogs dge bsnyen gyi sdom pa gnyis/ so so thar pa'i sdom pa dang / theg chen dbu sems gnyis kyi cho ga'i sgo nas sems bskyed/ byang sems kyi sdom pa 'bul gnang mdzad cing / khyad par du/ gong dkar bla ma 'phrin las rnam rgyal dbus pa'i bla ma dag gi drung nas/ gsung ngag lam 'bras spyi dang yang sgos rdzong lugs kyi lam 'bras cha lag dang bcas pa/ gur mgon chos skor/ gong dkar mgon pod kyi lung sogs bsam gyis mi khyab pa gsan pa rnams/ bdag chen 'di dang gang gi thugs sras gong dkar rnam grong pa chos dbang rgya mtsho sogs la legs par bstsal nas dar zhing rgyas par mdzad/
sngags 'chang kun dga' bsod nams kyis sa skyar rnam rgyal lha dgu'i sku brnyan sogs dang / mchod rten bzhengs par rje 'di rab gnas su gdan drangs pa ltar rab gnas mdzad/ da dung rje 'di'i skor la sa skya'i gdung rabs las/ rje 'dis sa skya'i khri thog so gsum pa ngag dbang kun dga' bsod nams rin chen 1705 lor 'khrungs dus/ rje 'di'i mtshan ltas su/ slob dpon rin po che bsod nams rtse mo'i rnam sprul yin pa shin tu gsal bas/ drung yig kun dga' bsam grub la de'i gnas tshul gsung ba dang bcas/ rang re rnams nas zhabs phyi tshul bzhin byung na/ ngan song du mi skye ba'i khag theg ces gsungs tshul dang / yang / bsam yas chos skyong dang rwa smad bse khrab chos skyong gi lung las yul dbus su mchod rten khang brtsegs dang jo dar btsugs pas gdung 'byung bar lung bstan pa bzhin gong dkar dam pa blo gros dbang phyug gis sa dpyad gzigs pas sgrol ma lha khang dang jo mo thags ra gnyis yul dbus su 'dug pas mchod rten sgrol ma gtsug lag khang gi rgyab dang / jo dar jo mo thags rar btsugs pas dar shing las yal ga khru gang tsam gsum byung ba sogs kyi ngo mtshar byung ba sogs kyi ngo mtshar rnam thar yang mang / rje 'di sgyi chu dgon du mkhan por phebs pas/ yig cha khag tu sgyi chu mkhan chen blo gros dbang phyug ces gsal/ slob ma la/ sngags 'chang ngag dbang kun dga' bsod nams rin chen dang / grub dbang rin chen rgya mtsho/ rnam grong pa chos dbang rgya mtsho sogs mang du bskrun par mdzad do/ /

sa skya'i gdung rabs ngo mtshar bang mdzod kyi kha skong / shog grangs 575/ 622/629 sogs su gsal/ deb gzugs/ ༸skyabs mgon ༸gong ma rin po che'i gsan yig gong dkar bla ma 'phrin las rnam rgyal gyi gsan yig sogs las btus/

p>. gong dkar dga' bas/ [version: 2018-05-10]