'khrul 'joms nyi ma'i 'od zer/

ff. 154a7-155a: dpal kyai rdo rje'i mngon par rtogs pa man ngag gi gter mdzod gsal bar byed pa'i dka' 'grel rgyud don gnad kyi lde mig gi rgyas bshad 'khrul 'joms nyi ma'i 'od zer zhes bya ba 'di ni/ dpal tu med pa'i mkhyen rabs dang / thugs rje phul du byung ba'i bdag nyid/ bde bar gshegs pa'i gsung rab rgya mtsho'i dgongs don rgyal ba'i dgongs pa ji lta ba bzhin du 'byed pa la/ sa'i steng na 'gran zla thams cad dang bral zhing / khyad par du yang/ rje btsun 'jam pa'i dbyangs dang gnyis su ma mchis pa/ dpal ldan sa skya pa yab sras rnams kyi dgongs pa 'grel ba la/ 'khrul pa'i dri ma tsam yang mi mnga' ba'i chos kyi spyan rnam par dag pa dang ldan pa'i chos kyi rje thams cad mkhyen pa 'jam dbyangs grags pa'i dpal/ mtshan gzhan kun dga' rgyal mtshan dpal bzang po zhes srid pa gsum du yongs su grags pa de nyid kyi zhabs rdul dri ma med pa/ yan lag mchog gis gus par blangs pas/ spyir mdo sngags kyis bsdus pa'i gzhung lugs du ma la blo'i gnang ba thob cing/ khyad par bka' srol 'di nyid la shes nas dad pa thob pa/ shAkya'i dge slong rdo rje 'dzin pa dpal ldan chos skyong bzang po zhes bgyi bas/ dpal ngam ring gi chos grwa chen por sbyar ba'o/ /'dis kyang rdo rje theg pa'i bstan pa phyogs mtha' dag du dar zhing rgyas par gyur cig /