dpal kye'i rdo rje zhes bya ba'i rgyud kyi rgyal po'i rnam bshad dag ldan snye ma/

ff. 240a1-241a1: dpal brtags pa gnyis pa'i rgyud kyi rgyal po 'di la/ 'grel pa/ 'grel bshad dang/ bshad srol mang du yod na'ang/ dpal mchog rdo rje 'chang chen po nas bzung ste/ ye shes kyi mkha' 'gro ma rdo rje bdag med mas lung bstan cing byin gyis brlabs te/ dngos su rjes su gdams pa mthu stobs kyis mgon po dpal ldan bir wa pa la sogs pa/ mkhas shing grub pa brnyes pa'i skyes mchog khyad par can/ rims par byon pa rnams kyi zhal nas mnyan du brgyud pa bar ma chad cing/ gnas skabs dang mthar thug gi dgos 'dod thams cad 'byung ba'i yid bzhin gyi nor bu rin po che lta bu byin brlabs kyi brgyud pa ma nyams pa 'di/ gzhan las phul du byung zhing / khyad par du 'phags pa'i bshad srol yin pas don du gnyer ba rnams kyis nyams su blang bya yin no/ /'di ni dad pa dang / brtson 'grus dang / shes rab dang ldan zhing / rgyud 'di la lhag par mos pa yi/ dge slong kun dga' bzang pos dus ring mo nas bskul ba dang / pha rol du phyin pa dang / gsang sngags kyi sde snod du ma la/ snang ba rgyas pa mkhan po bkra shis rin chen la sogs/ slob ma rnams kyis nye bar bskul ba'i ngor/ rdo rje 'dzin pa kun dga' bkra shis rgyal mtshan dpal bzang pos/ sangs rgyas kyi bstan pa lo sum stong lnga brgya sum bcu so lnga 'das pa'i dus khyu mchog gi lo/ [i.e. 1401] grub pa'i skyes bu du mas byin gyis brlabs pa'i dben gnas dam pa/ se mkhar chung zhes bya bar/ sbyar ba'i yi ge pa ni dge slong sangs rgyas shes rab zhes bya'o/ /'dis bstan pa dang / sems can dpag tu med pa la/ phan pa rgya chen po 'grub par gyur cig /slar yang dpal ldan sa skyar rnal 'byor dbang phyug sa skya pa chen pos mdzad pa'i dka' 'grel dang/ rje btsun bsod nams rtse mos mdzad pa'i rnam bshad nyi ma'i 'od zer la'ang gtugs nas dag par bgyis so/ /'di ni nyung ngu la mos pa rnams kyi don du byas la/ cung zad rgyas par 'dod na/ 'di yi zur 'debs dka' 'grel snye ma las kyang rtogs par bya'o/ /