dpal ldan sa skya pa'i gdung rabs rin po che'i 'phreng ba/

སཾ་བྷོ་ཊའི་དབོན་བརྒྱུད་དཔེ་ཚོགས་ཀྱི་ཆོས་ཚན་དཀར་ཆག་ནང་མི་འདུག

mus srad pa'i gdung rabs las 'phros pa'i gtam las dang po/ mchod brjod dang / bsdus don gyis gleng slong ba/

gang gi 'phrin las nyin mor byed pa yis// 'gro kun phan bde'i lo thog rgyas mdzad cing // bla med byang chub lam mchog ston mdzad pa'i// sa skya'i bla chen ^[1]^ rnams la phyag 'tshal lo// ^[2]^ mdo rgyud man ngag rgya mtsho'i dgongs pa'i bcud// lung rigs spobs pas thugs kyi rgya mtshor bskyil// ^[3]^ 'thad sgrub rigs pas rgyal bstan skyong mkhas pa// ^[4]^ rje btsun mus srad pa ^[5]^ la gus phyag 'tshal//

zhes mchod brjod sngon du btang ste/ 'dir gleng bar bya ba ni/ spyir snga phyi'i mkhas grub mang pos dpal ldan sa skya pa'i gdung rabs du ma zhig mdzad pa las/ rje btsun grags pa rgyal mtshan (1147-1216) gyi gdung rabs dang / dam pa kun dga' grags ^[6]^ kyis mdzad pa'i gdung rabs/ ^[7]^ de bzhin chos rje bla ma dam pa'i dngos slob shes rab rdo rjes mdzad pa'i gdung rabs/ nyi lde bas mdzad pa'i gdung rabs/ ^[8]^ rje stag tshang lo tsA bas (1405-1477) mdzad pa'i gdung rabs/ ^[9]^ rje ngor chen dkon mchog lhun grub (1497-1557) kyis mdzad pa'i gdung rabs/ ^[10]^ 'jam mgon a mes zhabs (1597-1659) kyis mdzad pa'i gdung rabs/ ^[11]^ sa chen kun dga' blo gros (1741-1783) kyis mdzad pa'i sa skya'i gdung rabs kha skong / ^[12]^ drag shul 'phrin las rin chen (1871-1935) gyis mdzad pa'i gdung rabs yang skong/ ^[13]^ la sogs pa deng dus mjal du yod med ji snyed cig byon pa las/ phyis sa skya'i gdung rabs su yongs grags byed pa'i gdung rabs rin chen bang mdzod sogs kyi phyi mor ^[14]^ gyur pa/ rje btsun mus srad ^[15]^ pa chen po rdo rje rgyal mtshan (1424-1498) gyis mdzad pa'i (dpal ldan sa skya'i gdung rabs rin po che'i phreng ba/) zhes bya ba 'di ni/ gdung rabs gzhan ltar gdung brgyud kho na'i byung ba brjod pa min par/ dpal ldan sa skya pa'i slob brgyud dang dpon chen gyi rabs/ da dung de dag gi phyi rten tshun chad zhib par gsal la/ bod spyi'i lo rgyus kyi dpyad gzhir nyer bar mkho ba'i rgyu cha phun sum tshogs shing / dpal ldan sa skya pa'i gdung rabs snga shos kyi gras su byon pa zhig kyang yin/ de yang mdzad byang du gdung rabs 'di nyid nam mdzad pa'i tshul ni/ gdung rabs nyid las/ dpal ldan sa skya'i dgon pa btab nas/ lo bzhi brgya dang gsum lon pa shing mo lug gi lo mchu zla nyer gnyis la/ rtsangs byams pa rdo rje rgyal mtshan gyis dpal sa skya'i dgon pa'am chos grwa chen por sbyar ba'o// zhes gsungs pas ltar phyi lo 1475 bod zla 1 tshes 22 nyin gdung rabs 'di nyid mjug rdzogs par mdzad pa yin la/ rje btsun mus srad pa chen pos mdzad pa'i gdung rabs 'di'i mtshan dngos la/ rje btsun 'jam dpal dbyangs kyi sprul pa dpal ldan sa skya'i gdung rabs rin po che'i phreng ba/ zhes mtshan byang du gsal na'ang / dus phyis su gdung rabs rin chen bang mdzod sogs su gdung rabs 'di nyid kyi mtshan mdzad pa po'i mtshan las drangs te/ mus srad pa'i gdung rabs zhes yongs grags so/ / 'on kyang bod du rgya'i btsan 'dzul dang lhag par rig gnas gsar brje'i mjug 'bras su bod kyi rtsa che'i rig gzhung du ma zhig thor zhig tu song ba'i khrod gdung rabs 'di nyid kyang bor brlag tu song ba'i rkyen gyis skye bo phal mo cher rgyus med du song stabs nye rabs rtsom sgrig zhus pa'i deb phreng dang rtsom yig sogs su de'i skor 'khod med/ 'on kyang gzhis byes gnyis su gnas pa'i rdzong pa'i slob brgyud khag nas sems 'khur gyis rdzong pa'i phyag dpe bor brlags tu song ba 'tshol bsdu zhus pa'i khrod rtsa chen gyi gdung rabs 'di nyid slar yang rnyed son byung / de yang spyi ti rgyal khang nas gdung rabs de nyid bris ma ^[16]^ mjug cung zad ma tshang ba zhig dang / bal yul nas spar ma ^[17]^ zhig phyi lo 2008 lor bod du gdan sa chen po sa skya nas bris ma dpe thung zhig rnyed son byung zhing / sa skya nas rnyed son byung ba de nyid gzhir bzung ste/ rdzong pa'i gdan sa gong dkar rdo rje gdan nas/ phyi lo 2012 lor rdzong chen kun dga' rnam rgyal (1432-1496) dran gso'i mchod sprin chen mo dang stabs bstun rdzong pa'i dpe rnying 'tshol bsdu khang gis "dpal ldan rdzong pa'i chos 'byung dang rnam thar gces btus "zhes pa phyogs bsgrigs byas pa'i nang thog mar bskyar bskrun zhus/ de rjes slar yang 2018 lor sa skya rdzong lugs kyi chos skor phyogs bsdus chen mo'i deb phreng nang du spar bskrun zhus yod/ de lta na'ang / da dung skye bo mang po'i spyod yul du ma gyur zhing lo rgyus smra ba dag la'ang lkog 'gyur du song stabs/ don gnyer can rnams la ngo sprod mtshams sbyor yong ba'i slad gdung rabs 'di nyid zhib par lta klog zhus pa'i zin tho rgyas par spros te/ rje mus srad pa'i gdung rabs gi nang don rags bshad kyi sgo nas gdung rabs de nyid klog pa po rnams la ngo sprod zhu bar bya'o//

gnyis pa/ gdung rabs kyi nang don ngo sprod/

gdung rabs 'di'i nang don sa bcad bcu gsum du phye nas bstan pa ni/ (1) 'od gsal lha'i gdung rabs/ (2) dri med 'khon gyi gdung rabs/ (3) sa skya spyi la dbang ba'i gdung rabs/ (4) so sor dbang mdzad pa'i gdung rabs bzhi/ (5) sa skya'i gdan rabs/ (6) hor gyi rgyal rabs/ (7) ti shri'i gdan rabs/ (8) dpon chen gyi gdan rabs/ (9) khri bskor bcu gsum gyi rnam grangs/ (10) slob dpon chen po rnams kyi rabs/ 11) bla brang rnams kyi rnam grangs/ (12) zhar byung rten gsum dkar chag dang / (13) sku 'bum rnams kyi dkar chag bcas sde tshan bcu gsum du phye ste bstan pa las/ skabs 'dir cha tshang gleng ba rgya ches pa dang / skabs don dang mi 'brel bas dmigs bsal gyi nang don gnad bsdus tsam re rim bzhin smra bar bya ste/

(1) 'od gsal lha'i gdung rabs bstan pa'i skabs su/ gdung brgyud lha las thog mar ji ltar babs pa dang / de nas mi yul du ji ltar mched pa'i skor/

(2) dri med 'khon gyi gdung rabs bstan pa na/ thog mar 'khon zhes pa'i mtshan ji ltar thogs tshul nas 'khon gyi gdung rabs mched stangs skor gsal ba las/ 'dir 'khon gyi gdung mched pa'i gnas kyi ming cung bkod na/ la stod gnyan rtse thar dang de'i ma 'khris sde gsum/ de nas mar yul/ ^[18]^ glu thang / gad/ ^[19]^ gnyal lug ro/ ^[20]^ nyang shab/ ^[21]^ shab stod/ khab so stag thog ^[22]^ grom pa g.ya' lung / ^[23]^ gdal byang tshang / g.ya' lung na 'khon tsho brgyad/ tsha mo rong / ^[24]^ g.ya' lung chu skya dang bzhi thog rgyab kyi brag khung / ^[25]^ bcas 'khon gyi gdung brgyud mched pa'i sa gnas mang po zhig 'dir bkod yod/ da dung 'di dag da yod kyi sa gnas gang dang gang yin min sogs kyi skor la lo rgyus smra ba dag gis 'tshol zhib kyi dpyad byar lus yod/ gzhan yang 'dir 'khon gyi gdung brgyud kyi chos kyi nyams bzhes gtso bo gang mdzad min yang gsal ba ni/ phar phyin dang / gsang ba sde drug po/ cha lag bdun/ phra mo nyi shu rtsa gcig yang dag rdo rje phur pa yi dam du bzung ba sogs kyang zhib 'god mdzad yod/ da dung 'khon gdung gong ma rnams kyi phyi rten dang / gdung rten sogs gang du bzhugs skor gsal ba sogs byung rabs lo rgyus smra ba dag la nges par du mkho ba'i gnad don gdung rabs dang chos 'byung gzhan la mthong dkon pa du ma gsal por 'god gnang mdzad yod/

(3) sa bcad gsum par sa skya spyi la dbang ba'i gdung rabs bstan pa'i skabs der/ dpal sa skya pa'i spyi mes 'khon dkon mchog rgyal po dang / bstan pa'i srol 'byed chen po rje btsun gong ma lnga nas 'gro mgon phyag na'i sras brgyud gdung rabs bar gyi byung ba dang de dag gi rnam thar/ gdan sa chen po dpal ldan sa skya phyag btab pa nas rgya bskyed ji ltar mdzad pa'i tshul sogs sa skya'i gdung brgyud kyi bstan srid mnga' thang dang dar rgyas bcas zhib par bstan/

(4) sa bcad bzhi par sa skya'i bla brang so sor dbang mdzad pa'i gdung rabs bzhi bstan pa ni/ bdag nyid chen po bzang po dpal gyi sras bla chen kun dga' blo gros dpal bzang po dang / bla ma dam pa bsod nams rgyal mtshan/ theg chen chos rje sogs ji ltar byon pa dang / bla chen kun dga' blo gros kyis rang gi gcung gdung brgyud rnams la bla brang bgos pa nas rim bzhin bzhi thog bla brang dang / lha khang bla brang/ dus mchod bla brang / rin chen sgang rnams su gyes tshul dang gdung brgyud kyi 'phel rim dang mdzad pa rnam thar sogs bstan/

(5) sa bcad lnga pa la sa skya'i gdan rabs bstan tshul ni/ dpal ldan sa skya'i gdan rabs thog ma 'khon dkon mchog rgyal pos gdan sa lo sum cu tham pa dang / ba ri lo tsA bas lo brgyad/ sa chen kun dga' snying pos bzhi bcu zhe brgyad gdan sa bskyangs pa'i skor sogs gdan rabs so so'i mtshan dang gdan sa bskyangs pa'i dus yun sogs gsal por bstan/

(6) sa bcad drug par hor gyi rgyal rabs bstan pa'i skabs su/ thog mar jing rgyal po'i mtshan thogs tshul nas bzung ste/ hor gyi rgyal rabs ji ltar tshugs tshul dang / de'i mnga' thang / chos rje khu dbon dang go dan yab sras kyi 'brel ba/ dmigs bsal zhig la hor gyis dbang bsgyur bya yul gyi rgyal khab du ma zhig gi ming bod skad du de sngon mthong dkon pa mang dag cig snang ba dper mtshon du drangs na/ rug ma/ ri ma/ zangs gling / li/ khug sen/ rgya khyi mgo can/ rgya mig gcig pa/ thod dkar/ gzhon nu ma'i gling / gangs ldan sogs rgyal khams rgyal phran bzhi bcu tsam la dbang bsgyur byas pa'i skor sogs gdung rabs tsam min pa'i lo rgyus kyi yig cha gzhan na mthong dkon pa'i lo rgyus zhib 'jug par mkho ba'i rgyu cha mang du snang ngo /

(7) sa bcad bdun pa la/ ti shri'i gdan rabs bstan cing de'i nang du/ tri shri'i gdan sa pho brang ta'i tu'i nang gi me tog rwa ba'i gtsug lag khang yin pa dang / tri shri thog ma 'gro mgon chos rgyal 'phags pa dang / de rjes bdag nyid chen po dha ma pA la yis tri shri gdan sa lo lnga mdzad pa sogs tri shri rim byon gyis gdan sa lo ji tsam mdzad pa dang / rgyal po gang dang gang gi skabs la byon tshul/ de'i skor la dogs gcod mdzad pa sogs zhib par gsal/

(8) sa bcad brgyad pa la/ dpon chen gyi gdan rabs bstan pa na/ dpal ldan sa skya pa yis bod la dbang bsgyur ba'i dus kyi dpon chen gyi rim pa dang / dpon chen la snga ba mgur glu rgyal gling pa shAkya bzang po yin pa nas/ dpon chen de dag gis mdzad rjes gtso bo sogs gsal por bstan cing / da dung dmigs bsal yig cha gzhan na mthong dkon pa'i dpon chen gyi mtshan yul lung dang sbyar nas bkod pa dper na/ mgur glu rgyal gling pa shAkya bzang po/ 'phan yul ba dpon chen gzhon dbang / shab bang mo zhus byang rdor la sogs pa lo rgyus kyi yig cha gzhan na dkon pa'i gnad don mang du gsal/

(9) khri skor bcu gsum dang chol kha gsum gyi rnam grangs bstan pa'i skabs 'dir/ zhing gi mi chen dang dpon chen gyi khyad par brtsi tshul nas/ khri skor bcu gsum brtsi tshul dang / bod chol kha gsum gyi brtsi tshul mi 'dra ba 'dir dpe mtshon du drangs na/ bod chol kha gsum ni/ stod mnga' ris bskor gsum/ bar dbus gtsang ru bzhi/ smad mdo khams sgang gsum mo/ /dang po ni/ mar yul mtshos bskor/ gu ge g.yas bskor/ spu hrangs gangs kyis bskor bas bskor gsum dang / ru bzhi ni/ gtsang la g.yas ru g.yo ru gnyis/ dbus la dbu ru g.yu ru gnyis te bzhi'o/ /sgang gsum ni/ mdo khams la sgang mang yang / tsha ba sgang / spom 'bor sgang / dmar khams sgang ste gsum mo/ /yang na/ dbus gtsang chos kyi chol kha/ mdo stod mi'i chol kha/ mdo smad rta'i chol kha zhes zer te/ se chen gyis/ stod mnga' ris bskor gsum la/ sngon bod kyi rgyal po'i gdung brgyud kyis dbang mdzad pas ya rabs kyi tshul lugs bzhin bzhag nas/ lung yang ma btang ba yin no// zhes gsungs pa sogs lo rgyus don gnyer can rnams la nges par mkho ba'i gnad don du ma bstan par mdzad/

(10) sa bcad bcu pa la/ slob dpon chen po rnams kyi rabs bstan pa yin la/ 'di ni gdung rabs 'di'i dmigs bsal sde tshan zhig ste/ gdung brgyud dang 'brel ba'i slob brgyud grags can rnams ji ltar byon pa'i skor gsal por bstan yod/ 'di'i nang du/ sa skya pa'i slob brgyud grags can gyi rigs shar pa dang / khang gsar ba/ nyi thog pa/ gung pa/ gsal ba/ nyi lde ba/ yang dgon pa/ brang mo che sogs nas mkhas grub ji ltar byon pa'i tshul mang du yod pa las/ bla brang shar lta bur mtshon na mi brgyud thog ma gang nas mched pa dang / gdung brgyud gang zhig bla mar bsten pa/ de'i brgyud pa'i rabs dang bcas pa gsal por bkod pa sogs bstan/

(11) sa bcad bcu gcig pa/ bla brang rnams kyi rnam grangs bstan pa na/ spyir gdan sa chen po dpal ldan sa skyar bla brang ji tsam yod pa'i grangs 'dren mdzad pa ni gdung brgyud bzhugs pa'i bla brang bco brgyad/ brgya tsho dpon gyi bla brang bcu gsum/ brgya 'dra'i bla brang bcu gsum ste bla brang bzhi bcu rtsa brgyad/ zhes bstan cing / bla brang de rnams ji ltar bzhengs pa dang / bla brang phal che ba'i bkod pa dang sa gnas gang du yod pa/ rgya khyon tshun chad zhib cha bstan par mdzad yod la/ skabs 'di'i bla brang che ba bzhi zhes dbye ba yang / bla brang che ba bzhi ni/ sgo rum bla brang / bzhi thog bla brang / rin chen sgang bla brang / lha khang chen mo'o// zhes yongs grags dang mi mthun par dbye ba/ da dung bla brang tsam min par bla brang re re'i dpe khang / dge bshes so so'i bran (brang ) khang / rje khang dang / gan mdzod/ phyag mdzod/ thab tshang / shing tshang / rta ra/ bong ra/ glang ra/ tshun chad kyi khang pa ji yod zhib par ngo sprod gnang yod/ da dung gnyer pa so so'i gtod yig dang / nang so chen po'i deb ther rdzong dmar ma sogs tho bkod deb ther mi 'dra ba yod pa'i skor sogs khyon yongs nas zhib rgyas su 'god par mdzad yod/

(12) sa bcad bcu gnyis pa/ rten gsum dkar chag bstan pa ni/ 'dir gdan sa chen po dpal ldan sa skya'i nang rten sku gsung thugs rten/ logs bris dang / mchod chas/ rten rdzas dang bcas pa lha khang dang bla brang so sor ji yod zhib gsal du 'god par mdzad 'dug cing / de dag gi nang nas phyag dpe kho na la yang gser dngul sogs rin po che las bzhengs pa'i bka' 'gyur dang / rgya dkar gyi shog dril bka' 'gyur/ yu gur gyi yi ge'i bka' 'gyur/ bka' 'gyur spar ma dmar po sogs bka' 'gyur rigs mi 'dra ba rnams kyis thog drangs bka' bstan gyi gsung rab po ti skya pod dang / ser pod/ sngo pod dang / po ti dkar po sogs/ mtshan tho bgrangs na'ang grangs dka' ba ngo sprod gnang yod/ nang rten skor la dag sel mdzad pa ni dper na/ dbu rtse nub sgo gsum zhal shar bstan dbus na/ thub pa byang chub chen po'i dbyibs can 'phul ma/ 'di la kha cig gis snga thog chos rje'i sku rim du bzhengs par 'dod pa la/ gsol ba ma thebs par/ dpon chen shAkya bzang po la zhal ta mdzad nas phyis nang rten du bzhengs so zhes zer ba ma dag ste/ gtsug lag khang 'di nyid kyi yi ge yod pa las/ byang chub chen po khri rgyab dang bcas pa/ chos rje byang ngos su byon pa'i dus su sku'i rim gro la shAkya bzang pos bzhengs zhes bris yod pa'i phyir ro/ /zhes sogs zhib par gsal lo//

(13) sa bcad bcu gsum pa/ sku 'bum rnams kyi dkar chag bstan pa yang / sangs rgyas 'od srungs kyi snam sbyar bzhugs su gsol ba'i sku 'bum rnam rgyal du grags pa nas/ sa skya thog mar dbu brnyes mkhan 'khon dkon mchog rgyal po'i sku 'bum/ shing rta'i srol byed chen po rje btsun gong ma rnam lnga sogs gdung brgyud rim byon gyi sku 'bum dang / dpon chen shAkya bzang po gtsos pa'i sa skya'i dpon chen rim pa'i sku 'bum/ dkar shAkya grags la sogs pa'i sa skya'i slob brgyud grags can gyi sku 'bum rnams kyi bkod pa dang / go rim rgyu gron ji song bcas pa gsal ba sogs gdung rabs rin po che 'di'i brjod bya thams cad mdor bsdus na sde tshan bcu gsum du phye ste bstan yod/

gsum pa/ gdung rabs 'di'i dmigs bsal khyad chos/

1) klad don gyi dmigs bsal khyad chos/ gdung rabs 'di'i klad kyi don mchod brjod dang / brtsam par dam bca' ba gnyis ka dpal ldan sa skya'i gdung rabs kyi che ba bstan pa'i sgo nas gdung rabs 'di'i dmigs bsal khyad chos mngon par mdzad pa ni/ de yang mchod brjod las/ gang gi 'phrin las nyin mor byed pa yi/ /'gro kun phan bde'i lo thog rgyas mdzad cing / /bla med byang chub lam mchog ston mdzad pa'i/ /sa skya'i bla chen rnams la phyag 'tshal lo/ /zhes dpal sa skya'i mtshan mchog gsum ldan gyi gdung brgyud kho na la bstod phyag mdzad pa 'dis dpal ldan sa skya'i gdung brgyud la dmigs bsal brtsi bkur dang che mthong mtshon par mdzad/ skabs 'dir sa skya'i bla chen rnams zhes pa las gsungs pas gdung brgyud kho na la ji ltar go dgos snyam na/ dus phyis su sa skya'i bla chen la gdung brgyud min pa yod mod/ rje 'di zhal bzhugs pa'i dus rabs der/ dpal sa skya'i slob brgyud rje tshar chen ni skabs der ma byon cing / ngor rdzong rnam gnyis byon du zin kyang ngor gyi gdan sa e waM chos ldan btab nas ring por ma song ba ni/ yig cha dag na ngor dgon gsar/ ^[26]^ zhes bkod pa la brtag na'ang shes thub/ rdzong pa'i gdan sa sgyi chu dang / lu phu yang btab nas ring por ma song zhing / gong dkar rdo rje gdan yang ma byon no/ / rgyu mtshan gzhan yang / rje 'dis gdung brgyud ma yin pa'i sa skya pa'i mkhas grub gzhan rje ngor chen sogs la lung rigs kyis dgag sgrub mthil phyin par mdzad pa las/ gdung brgyud min pa'i sa skya'i bla ma gzhan la phyag 'bul ba cung dka' bar snang bas skabs 'di'i dad phyag 'bul yul ni sa skya'i gdung brgyud las ma 'das pas the tshom gyi gzhi med par sems so/ / de bzhin sa skya'i gdung brgyud la la'i mtshan la'ang dmigs bsal bla chen zhes ^[27]^ thogs pa gdung rabs 'dir gsal ba sogs kyang rgyu mtshan du rung ngo / /des na gdung rabs 'dir mchod brjod sho lo ka gcig las ma mdzad pa dang / de yang sa skya'i gdung brgyud kho na la mchod brjod du mdzad pa ni gdung rabs 'di'i khyad chos dmigs bsal ba zhig yin la/ de bzhin gdung rabs 'di'i brtsam par dam bca' ba yang / dpal sa skya'i gdung rabs la dad gus dang dmigs bsal gyi che ba mngon par mdzad pa ni 'di ltar/ 'dir srid pa gsum gyi bla ma bde bar gshegs pa sangs rgyas bcom ldan 'das kyis/ 'jig rten na rigs thams cad nang nas bla mar gyur pa shAkya rnams kyi gdung rabs 'di bzung zhing kun chub par byas nas/ gzhan la rgya cher bsnyad na chos dang mthun zhing bsod nams kyi phung po 'phel bar byed do/ /zhes gsungs la/ de dang rjes su mthun par gangs can gyi chos smra ba rnams kyi nang nas/ bla mar gyur pa/ sa skya 'khon gyi gdung rabs 'di bzung zhing kun chub par byas nas/ gzhan dag la rgya cher bsnyad na chos dang mthun zhing bsod nams kyi phung po 'phel bar byed de/ chos smra ba bla mar gyur pa rnams la gus pa khyad par can skye ba'i rgyur 'gyur ba'i phyir ro/ /de'i phyir tshul 'di ji ltar nus pa brjod par bya'o/ /zhes pa shAkya'i gdung rabs dang sa skya'i gdung rabs gnyis kun chub pa dang bsnyad pa tshul mtshungs pas sa skya'i gdung rabs brjod par bya'o/ /zhes dam bca' mdzad lugs 'dis kyang rje mus srad pa chen pos sa skya'i gdung brgyud la che bstod mdzad pa mtshon thub bo/ / 2) dpyad bsdur dbye zhib 'bur du dod pa'i khyad chos/ deng skabs lo rgyus zhib 'jug pa dag gis/ lo rgyus zhib 'jug bya skabs dpyad bsdur gyis lam nas rtog dpyod bya ba ni zhib 'jug gi rigs lam gsar par sgrog bzhin yod na'ang / rigs lam de ni bod kyi mkhas grub gong ma rnams la mtshon na ches snga mo zhig nas phyag bzhes gnang mus yin pa ltar rje btsun mus srad pa 'dis mdzad pa'i gdung rabs 'dir mtshon na'ang gnad don mang por dpyad bsdur mdzad yod pa de'i dpe mtshon 'ga' drangs na/ slob dpon bsod nams rtse mos gdan sa mdzad min skor ^[28]^ gdung rabs las/ rje btsun bsod nams rtse mos sa mo yos nas brtsams te/ shing mo phag gi bar lo lnga bcu rtsa bdun gdan sa mdzad ces dang / 'di la shar gling pa'i yi ge las/ slob dpon rin po che bsod nams rtse mos gdan sa lo bcu gsum mdzad de/ zhes 'byung yang / chos rje bla mas slob dpon rin po che'i rnam thar gyi skabs su rje pa bcu gsum pa la/ ngas dbus su phyin la phar phyin la sogs nyan la yong / khyod sa skyar sdod la bshad pa gyis shig gsungs te/ gdan sa gtad nas zhes dang / rje'i rnam thar gyi skabs su/ bcu gsum pa la gcen dbus su gshegs pa'i tshe/ gdan sa gtad nas bzung ste/ bdun bcu'i bar sngags kyi bshad pa mdzad de/ zhes gsungs pas/ slob dpon rin po ches gdan sa'i khur ma bzhes par bzhed pa ltar bkod pa yin no/ /zhes gsungs pa 'di dang / gzhan yang 'jam mgon sa paN gyi gdan sa lo sum cu rtsa lnga'i bar du mdzad min skor ^[29]^ dang / 'gro mgon chos 'phags gong la rjes la phebs dus/ gcung dbon po rin chen rgyal mtshan pa gdan sar bskos min skor sogs la dpyad bsdur zhib mo mdzad par gnang ste deng lo rgyus zhib 'jug par mkho ba'i dpyad gzhi dmigs bsal zhig kyang yin/ 3) lo khams zhib bsdur gyis lo rgyus gsal kha dod pa'i khyad chos/ lo rgyus kyi srog lta bu ni lo khams kha gsal 'god dgos pa de yin mod/ bod kyi lo rgyus dang chos 'byung sogs mang po zhig na lha sgrung ltar gtam brgyud tsam las/ lo khams 'god pa'i srol nyung na'ang gdung rabs 'dir lo khams zhib tshags su 'god par mdzad de dpyad bsdur gyi rnam pa 'bur du dod pa dper mtshon du drangs na/ dpal ldan sa skya'i gdan rabs bstan pa na/ chu mo glang gi lo nas brtsams te/ chu pho rta'i bar lo sum cu tham pa 'khon dkon mchog rgyal pos gdan sa mdzad/ chu mo lug gi lo nas brtsams te lcags pho stag gi bar/ lo brgyad ba ri lo tsA bas gdan sa mdzad/ ces pa la sogs gdan sa nam mdzad pa dang mtha' mjug snga phyi gnyis kyi lo khams kha gsal bkod thog da dung gsal kha dod pa'i ched du dus yun ji tsam mdzad pa'i lo grangs kyang kha gsal por 'god par mdzad pa dang / da dung gnad don de dag khong du chud sla ba'i ched du brjod bya'i sde tshan rdzogs par mtha' sdom kyang mdzad pa ni/ sa skya spyi la dbang ba'i gdan rabs bstan ma thag pa de'i mtha' sdom du/ gdung rabs las/ sa skya spyi la dbang mdzad pa'i gdan rabs bcu gcig ces bya ste/ gdung brgyud brgyad ^[30]^ dang / gdung brgyud kyis ma khebs pa'i gdan sa ba gsum ^[31]^ ste bcu gcig go de dag bsdoms pa la lo nyis brgya dang lnga bcu rtsa gnyis yod do/ /zhes sogs gnad don rnams la go rim dang zhib tshags mngon par gsal ba sogs go bder 'god gnang mdzad yod/ da dung gdung rabs 'dis nor 'dzol gyi gzhir 'gyur pa'i gnad don mang por gsal bshad dang dag sel yang mdzad de/ dpal sa skya'i lo rgyus kyi yig cha'i nang du yongs su grags pa'i bzhi thog bla brang sogs kyi thog mar bzhengs tshul nas ming ji ltar thogs tshul sogs la gsal bshad dang dag sel mdzad pa ni/ nye rabs bod kyi lo rgyus spyi dang sa skya'i gdung rabs sogs yig cha mang por gzhi thog bla brang la bzhi thog bla brang zhes (gzhi ) dang (bzhi ) sgra 'dra bas nor 'dzol du shor te yongs grags ltar bkod pa la/ 'dir bzhi thog bla brang thog mar sus bzhengs pa dang / bar du rgya bskyed ji ltar mdzad pa nas bzhi thog bla brang zhes pa'i mtshan ji ltar thogs pa bcas gsal por 'god par mdzad de brda chad de nyid la dag sel yang dag mdzad yod pa ni/ gdung rabs las 'di ltar/ thog mar rje btsun chen pos sa skya skar phubs chen mo ka ba nyis brgyar nye ba'i tshogs khang / gzims khang dang bcas pa bzhengs/ zhes pa nas/ 'di man chad la thog bzhi yod pas bzhi thog tu grags ^[32]^ / zhes gsal por gsungs yod la/ gzhan yang / sgo rum gzims spyil dkar po dang / sgo rum dpe khang / sgo rum mgon khang / sgo rum bse 'bag chen mo/ sgo rum bla brang / sgo rum pa zhes dpal sa skya'i lo rgyus nang ches snyan grags che ba'i brda chad sgo rum zhes pa 'di nyid thog ma ji ltar byung ba dang / mtshan gang la thogs pa/ de'i don gang yin pa/ rgya bskyed ji ltar byung ba sogs kyi gal che'i gnas don mang po zhig gdung rabs dang yig cha gzhan la mthong dkon zhing gsal kha med pa'i rigs du ma zhig kyang gdung rabs 'dis gsal ston mdzad yod/ da dung gdung rabs 'dir bod kyi lo rgyus spyi'i zhib 'jug la mkho ba'i gnad don du ma yod pa ma zad bod kyi bud med mkhas dbang gi lo rgyus zhib 'jug bya mkhan rnams la bod kyi bud med mkhas pa du ma zhig kyang 'dir gsal ba ni/ slob dpon ma kun dga' 'bum/ slob dpon ma lha rin/ slob dpon ma nam mkha' rgyal mo/ zhes dang / slob dpon ma nam mkha' 'bum/ slob dpon ma mkha' 'gro 'bum/ slob dpon ma nam mkha' bzang mo/ slob dpon ma mkha' 'gro 'bum/ la sogs pa'i bod spyi dang chos brgyud spyi'i lo rgyus dang / bye brag dpal sa skya'i lo rgyus zhib 'jug la mkho ba yig cha gzhan na rnyed dka' ba du ma gsal bas gdung rabs 'di nyid ni lo rgyus zhib 'jug par mkho ba'i gan mdzod chen po zhig kyang yin/

p>. mus srad pa'i gdung rabs skor [2018] las btus/ gong dkar dga' bas/ [version: 2019-02-01]

mchan rnams/

[1] skabs 'di'i mchod yul sa skya'i bla chen rnams ni/ dpal sa skya'i mtshan mchog gsum gyi gdung brgyud kho na la go dgos pa yin te de'i skor zhib par gsham du gsal/ [2] 'di ni rje mus srad pa chen po'i gdung rabs kyi mchod brjod 'dir mchod brjod du drangs pa yin la/ de ni rje mus srad pa chen por bka' drin rjes dran dang / rje 'di'i mkhyen rtsal gyi byin rlabs 'jug pa'i rten 'brel ched du yin/ [3] dpal ldan sa skya pa'i bka' babs rnam bzhi gtso bor gyur pa'i mdo rgyud man ngag gi bdag por bzhengs shing / de'i sgrub byed ni rje 'di'i gsung rtsom las rtogs nus mod/ stabs bder mkhyen 'dod na ༸skyabs mgon ༸gong ma khri chen rin po che'i gsan yig nor bu'i phreng ba las rtogs nus shing / de'i skor zhib par gsham du rje 'di'i gsung rtsom gzhan gyi khyad chos skabs su gsal/ [4] rje 'dis mdzad pa'i chu rgyun bzhi dang sgrub pa bzhi la sogs pa'i gsung rtsom rnams mjal na mkhyen thub/ [5] rje btsun mus srad pa zhes pa ni/ gsham du/ rje btsun mus srad pa chen po ji ltar byon pa'i tshul/ zhes par gsal/ [6] dam pa kun dga' grags pas mdzad pa'i gdung rabs ni da lta bar ma rnyed la/ rje 'di'i 'khrungs 'das kyang ma rnyed mod/ rje 'di'i mtshan gzhan la sga a gnyan dam pa zhes grags la/ chos rje khu dbon gnyis kyi dngos slob yin pa dang gong ma lnga las brgyud pa'i dbang lung man ngag gi bdag po yang yin zhing / rje 'dis mgon po pho rkyang bka' sdod ltar bsgrub pa'i yi ge sogs bsgyur mdzad pa dang / rdo rje gur mgon gyi sku gsung thugs mi 'gyur ba'i 'khor lo'i go cha dang / mgon po ji ltar byung ba'i lo rgyus mdzad pa sogs gsung rtsom mang / [7] rje btsun grags pa rgyal mtshan gyis mdzad pa'i gdung rabs 'di nyid da lta mjal du med cing / 'di ni sa skya pa'i gdung rabs thog ma de yin/ 'on kyang la las rje btsun bsod nams rtse mo'i gdung rabs yod par smra na'ang tshad ldan yig cha'i khungs dka'/ [8] gdung rabs 'di'i mtshan rgyas par/ lo rgyus ngo mtshar snang ba me tog chun po/ zhes bya zhing / 'di nyid bar skabs brlag mod deng rnyed son byung yod/ [9] gdung rabs 'di'i mtshan rgyas par/ dpal ldan sa skya pa'i gdung rabs 'dod dgu'i rgya mtsho zhes bya ba/ zhes bya zhing / nam mdzad pa ni/ de'i mjug byang du/ gtsang stag tshang gi lo tsA ba shes rab rin chen rgyal mtshan dpal bzang pos thams cad 'dul zhes bya ba/ me mo phag gi lo'i nag nya'i tshes gsum la/ rdzong dkar nor bu gling gi pho brang du sbyar ba'o/ / zhes gsal ba ltar na/ phyi lo 1467 lor mdzad pa dang 'di nyid rtsom lus tshig lhug yin na'ang de tsam rgyas pa mi snang ngo // [10] gdung rabs 'di'i mtshan rgyas par/ sa skya pa'i gdung rabs ya rabs kha rgyan/ zhes bya zhing / gdung rabs rin chen bang mdzod kyi rtsa ba yin la/ 'di'i rtsom lus kyang tshigs bcad du mdzad yod/ 'on kyang 'di nyid nam mdzad pa'i skor mdzad byang du lo khams mi gsal bas brjod pa las 'das so// [11] gdung rabs rin chen bang mdzod 'di ni/ de'i mjug byang du/ de bzhin gshegs pa dgongs pa yongs su mya ngan las 'das pa'i tshul bstan nas lo sum stong bdun brgya dang drug cu re gnyis 'das shing bod kyi rdo rje gdan dpal ldan sa skya btab nas lo brgya phrag lnga dang nga brgyad lon pa/ sprul pa'i gtsug lag khang lha khang chen mo bzhengs nas lo sum brgya dang re gcig 'das pa'i re gnyis pa/ sa mo sbrul/ zhes gsal ba ltar na/ phyi lo 1629 lor brtsams par mdzad do// [12] gdung rabs 'di'i mtshan rgyas par/ gdung rabs kha skong rin chen 'dzad med srid zhi'i dpal 'byor lhun grub/ ces pa 'di ni/ nam mdzad pa'i lo khams ma rnyed/ [13] gdung rabs 'di'i mtshan rgyas par/ gdung rabs yang skong ngo mtshar kun 'phel srid zhi'i dpal 'byor lhun grub/ ces pa 'di ni/ chu pho sprel te/ phyi lo 1932 lo'i hor zla lnga ba'i tshes nyer gcig nyin 'jam mgon a mes zhabs kyi gzim chung du legs par grub par mdzad pa yin no/ / [14] gdung rabs 'di nyid gdung rabs rin chen bang mdzod kyi phyi mor gyur tshul ni/ rin chen bang mdzod kyi mjug byang du/ gzhan yang dam pa kun dga' grags kyis mdzad pa'i gdung rabs/ bla ma dam pa'i dngos slob shes rab rdo rjes mdzad pa'i gdung rabs/ gtsang byams pa rdo rje rgyal mtshan gyis mdzad pa'i gdung rabs/ chos rje nyi lde bas mdzad pa'i gdung rabs/ stag tshang lo tsA ba sgra pa shes rin gyis mdzad pa'i gdung rabs sogs la gtso bor brten zhing / zhes gsungs pas rtogs thub/ shog grangs 548 deb gzugs/ 2009 lor spar skrun zhus pa na gsal/ [15] mus srad zhes pa ni/ gtsang stod kyi sa yi cha la stod byang khul gyi sa cha'i ming ste/ mus srad dang mus dang srad ces so sor phye ba yang yod mod/ sa khongs zhib cha phye ba ma rnyed pas dpyad par bya dgos shing / mus srad pa zhes pa ni/ rje 'di mus srad khul nas yin pas mus srad pa zhes grags/ mus srad pa gzhan zhig ni/ 'jam dbyangs chos rje'i slob ma mus srad pa blo gros rin chen seng ge 'bras spungs nas slob ma brgya phrag dang bcas se rar byes su 'byor nas 'chad nyan gyi srol btsugs mkhan se ra byes pa grwa tshang gi mkhan thog dang po de la yang mus srad pa zhes grags/ gzhan yang / mus chen dkon mchog rgyal mtshan sogs mus pa dang srad pa zhes pa'i mtshan can gyi mkhas grub mang po byon/ [16] gdung rabs bris ma 'di'i ngo bshus zhig byes kyi rdzong pa'i gdan sa gong dkar rdo rje gdan na bzhugs/ [17] 'di ni a myes rma chen bod kyi rig gzhung zhib 'jug khang gi 'gan 'dzin lo rgyus mkhas dbang jo sras bkra shis tshe ring lags su 'byor byung zhes gsungs byung / [18] mus srad kyi gdung rabs na/ deng sang na'ang mar yul na 'khon mang du yod/ ces gsal/ [19] de na tsho dang bar tsho gnyis su yod/ ces gsal/ [20] mus srad pa'i gdung rabs na/ de 'og gnyal du gshegs te gnyal lug ro na 'khon mang du yod/ ces gsal/ [21] mus srad pa'i gdung rabs na/ de 'og nyang ro dang shab tu gshegs/ nyang shab kyi 'khon rnams yin/ zhes gsal/ [22] gdung rabs na/ der yang 'khon ci rigs par yod/ [23] gdung rabs na/ de bas 'khon g.yas ru byang du gyes 'khon tsho'i sde mang du yod/ ces gsal/ [24] gdung rabs 'dir/ tsha mo rong du/ 'khon ston bal po des tsha mo rong du brag la sgrub pa mdzad/ yang phur zhal gzigs/ brag la phur pa btab/ bstan ma bcu gnyis bran du bkol/ ces gsal/ 'di'i tsha mo rong ni/ mdo khams kyi tsha ba rong min par/ bla ma sa chen gyi btsun mo'i yul la tsha mo rong zhes pa de yin snyam/ [25] gdung rabs 'dir/ 'di ni 'khon rog shes rab tshul khrims kyis bzhugs gnas yin/ rje 'dis yab mes kyi chos la sbyangs shing / rdo rje phur pa'i zhal mthong / rdzu 'phrul bsam gyis mi khyab pa brnyes/ tshul khrims kyis mdzes par byas/ ma mo thabs cad dam la btags/ dkar bdud gnyis bran du 'khol/ ces gsal/ [26] mus srad pa'i dus gsal dang / mang thos kyi bstan rtsis na'ang / mus chen gyi rnam thar skabs/ sa mo bya nas ngor dgon gsar 'debs pa'i mkhar las dang / zhes dang / sum stong lnga brgya dang drug cu rtsa gnyis pa sa mo bya (spyi lo 1429 ) la ngor dgon gsar byon/ zhes bod kyi spar rtsa la the wan spar slog deb gzugs shog grangs 219 dang / 248 na gsal/ [27] mus srad pa'i gdung rabs 'dir/ 'jam dbyangs don yod rgyal mtshan dang ma cig gzhon nu 'bum gyi nu mo ma cig yon tan dpal 'bum/ de la sras gnyis 'khrungs pa'i gcen la nyi ma rgyal mtshan dang gcung zla ba rgyal mtshan gnyis yod pa'i gcung rab tu byung ba'i mtshan la kun dga' rgyal mtshan / phyis bla chen du mtshan gsol/ zhes shog grangs 225 dpal ldan rdzong pa'i chos 'byung dang rnam thar gces btus na gsal/ [28] gdungs rabs de'i shog grangs/ 228 na gsal/ [29] gdungs rabs de'i shog grangs/ 229 na gsal/ [30] gdung brgyud yin pa'i gdan sa ba brgyad ni/ 'khon dkon mchog rgyal po/ sa chen kun dga' snying po/ rje btsun grags pa rgyal mtshan/ 'jam mgon sa skya paNDi ta/ 'gro mgon chos rgyal 'phags pa/ gcung slob dpon rin chen rgyal mtshan/ dharma pA la/ bdag chen bzang po dpal rnams yin la gdan sa brtsi tshul 'di ni gzhan dang mi 'dra ba zhig yin/ shog grangs 228 dpal ldan rdzong pa'i chos 'byung dang rnam thar gces btus/ rdzong pa'i dpe rnying 'tshol bsdu khang nas bsgrigs/ [31] gdung brgyud ma yin pa'i gdan sa ba gsum zhes pa ni/ ba ri lo tsA ba/ dkar shAkya grags/ shar chen 'jam dbyangs rin chen rnams yin la/ 'di ni gdung rabs 'di'i bzhed pa dmigs bsal ba yin te/ yig cha phal che bar/ ba ri lo tsA ba dang / shar chen 'jam dbyangs rin chen gnyis las brtsi srol med na'ang / gdung rabs 'dir 'jam mgon sa paN gyi rjes su/ dkar shAkya grags kyis gdan sa lo nyi shu rtsa gcig mdzad par bzhed pas/ gdung brgyud kyis ma khebs pa'i gdan sa gsum zhes gdung rabs 'di'i lugs la gsum zhes gsungs so// mus srad pa'i gdung rabs/ shog grangs 228 dpal ldan rdzong pa'i chos 'byung dang rnam thar gces btus/ rdzong pa'i dpe rnying 'tshol bsdu khang nas bsgrigs/ [32] bzhi thog bla brang gi mtshan ji ltar thogs tshul sogs shog grangs 247na gsal/ mus srad pa'i gdung rabs/