གྲ་ཐང་མཁན་པོའི་དྲི་ལན།

colophon excerpt not proofread!

pp. 562.4-563.5: ཆོས་ཀྱི་ལུང་གིས་འགྲོ་བ་མང་པོ་ནི། ། བློ་གྲོས་ཆེན་པོའི་གོ་འཕང་ཆེར་བཀོད་པ། ། ཀུན་ཏུ་བཟང་པོའི་རྣམ་ཐར་མངའ་བདག་པའི། ། རྗེ་བཙུན་མཆོག་གིས་མ་ལུས་བདེ་ལེགས་མཛོད། །

གང་གི་བཤད་རྒྱུན་རིན་ཆེན་གདུགས་དམ་པ། ། ཐུབ་བསྟན་ནམ་མཁའི་རྒྱུན་དུ་བགྱིས་པ་གང་། ། གངས་ཅན་པ་རྣམས་སྐྱོབ་པའི་བསིལ་གྲིབ་ཏུ། ། རྔོག་སྟོན་རིམ་པའི་ཚོགས་ཀྱི་སྟེང་དུ་བཀུར། །

དེ་འགྲེལ་དར་གྱི་དཔྱངས་ཐག་ཀུན་འཛིན་པ། ། སྨྲ་བའི་སྤྲིན་[563] དབུས་མིག་མི་འཛུམ་པའི་བུ། ། གཅིག་པུར་ཅི་བདེར་སྡོད་པ་གཟིགས་པས་སུ། ། གཞན་ལ་སྟོན་ཕྱིར་དྲི་ཚིག་མཛུབ་མོ་བསྒྲེང་། །

དོགས་པའི་དྲི་ལན་མདུན་དུ་འོངས་པ་ལ། ། ལན་བཟང་བསིལ་བྱེད་ག་པུར་མི་འཐུལ་ན། ། མཁས་དབང་ཧ་རི་ཙན་དན་འཁྲི་ཤིང་དུ། ། གང་གིས་མཚོན་ཞེས་སྨྲ་འདི་དག་པར་མཐོང་། །

འགྲོ་བའི་བླ་མས་སྤངས་པ་དེ་ཁོ་ན། ། རྟགས་ཙམ་འཛིན་པ་འདི་དག་ངོམ་པར་བྱེད། ། དེས་ན་བློ་གསལ་དེ་ནང་འཁྱམས་ནའང་། ། འདོད་བྲལ་ནམ་མཁའི་མེ་ཏོག་ལེན་འདྲ་འང་བདེན། །

ཀུན་མཁྱེན་རྒྱལ་བ་མིན་པ་མ་འཚལ་བས། ། ཀུན་ལན་འདེབས་འཁུར་བདག་ལ་མ་མཆིས་ཀྱང་། ། ཀུན་དགའ་རྣམ་རྒྱལ་བསྔགས་འོས་དེ་གཉིས་པར། ། ཀུན་གཟིགས་མཛད་ན་ཁྱོད་འོས་ཆེད་དུ་སྨྲ། །

དེ་ཡང་ཐོ་བཙུན་འཇིགས་མེད་དཔའ་བོའི་ཞལ་སྔ་ནས་ཀྱི་རིགས་ཀྱི་དབོན་ཆོས་ལས་འཁྲུངས་པའི་སྲས། ཆོས་གྲྭ་གྲ་ཐང་གི་མཁན་པོ་ཆེན་པོས་དྲི་བར་མཛད་པའི་ཚིག་ནི།