[མགོན་པོའི་བསྟོད་པ་སྐུ་གསུམ་མངོན་འགྱུར།]

work is contained in zhal bzhi pa'i man ngag [ms]

ff. 67b5: ཕག་གི་ལོ། ས་གའི་ཟླ་བའི་ཉ་གང་བའི་ཉིན་པར། སངས་རྒྱས་ཀྱི་བསྟན་པ་དང་། བསྟན་པའི་མངའ་བདག་དམ་པ་ཡུན་རིང་དུ་གནས་པར་གྱུར་ཅིག་སྙམ་དུ་བསམས་ནས། སྲུང་མ་རྣམས་ལ་གསོལ་བ་བཏབ་པའི་ཉིན། དཔལ་ས་སྐྱར། བཙུན་པ་གཟུངས་ཀྱི་མིང་ཅན་གྱིས་སྦྱར་རོ། ཐུན་གསུམ་བརྟེན་ཅིང་མཆོད་པའི་སྲུང་མ་ཁྱོད། །ཁམས་གསུམ་སེམས་ཅན་[68a] བདེ་བ་བསྐྱེད་པའི་ཕྱིར། །དུས་གསུམ་རྒྱལ་བས་བཀའ་བསྒོ་ཞལ་བཞེས་པའི། །ཐུགས་དམ་རྣམ་གསུམ་ལྡན་པ་དགོངས་སུ་གསོལ། །ཐེགས་གསུམ་བསྟན་པའི་ཆོམ་རྐུན་དགྲ་བོ་འདིས། །བཀའ་དྲིན་གསུམ་ལྡན་བླ་མའི་སྐུ་དགྲ་བྱས། །རྒྱུད་སྡེ་གསུམ་གྱི་སྲུང་མ་ཁྱེད་ལ་བརྙས། །དུས་གསུམ་དྲེགས་པའི་དགྲ་བོ་འདི་སྒྲོལ་ཅིག །སྐུ་གསུམ་རྟེན་རྣམས་བརྙས་ཤིང་རྣམ་པར་བཤིག །རིམ་གསུམ་ཆོས་ཀྱི་འཁོར་ལོ་ཉམས་པར་བྱས། །བསླབ་གསུམ་ལྡན་པའི་དགེ་འདུན་བསད་ཅིང་ཕྱེ། །དཀོན་མཆོག་གསུམ་གྱི་དགྲ་འདི་བརླག་པར་མཛོད། །གཅིག་ཞུས།