gong dkar rdo rje gdan pa kun dga' rnam rgyal/

Names

thu ston kun dga' rnam rgyal dpal dpal po
thu btsun rdo rje gdan pa
rdo rje gdan sa kun dga' nam rgyal
chos rje kun dga' rnam rgyal dpal bzang po
dpal ldan bla ma dam pa khyab bdag rdo rje 'chang kun dga' rnam rgyal dpal bzang po

References

SRC ID: P16
TBRC ID: P3183

Dates

Date of birth: 1432
Date of birth: chu pho byi ba'i lo smin drug gi bzla ba'i tshes [bwco] brgyad/; 1432-10-18
Date of death: 1496
Date of death: me pho 'brug gi lo nag pa zla ba/; 1496-09-24

Biography

rje 'di/ chu khyi/ phyi lo 1432 lor/ thon mi'i gdung yab rgyal ba shes rab dang / yum rdo rje bde ma'i sras su/ g.yo ru grwa ste lho kha grwa nang du sku bltams/ grwa lnga rgyal po zhes mtshan gsol/ mtshan gzhan/ gong dkar rdo rje gdan pa chen po sogs mang / yum gyi bka' ltar phyi ru skye bo gso thigs dang / sa skya legs bshad/ rgya bod kyi rgyal rabs sogs gsan sbyong mdzad cing / lkog tu dam pa'i chos la thugs gnyer mdzad/ dgung lo bcu gsum par/ yar rgyab dpon chen dang / bco lnga par/ pho brang gong ri dkar po'i bdag por byon cing / 'bangs rnams byams pas bskyangs pa dang / bzo bkod mdzes pa'i lam 'bras pho brang bzhengs pa sogs mdzad/ dgung lo nyi shu par/ rje btsun brag thog pa'i drung nas yongs rdzogs dge bsnyen dang / paN chen byams pa gling pa'i drung nas/ dge tshul slong gi sdom pa bzhes te/ mtshan kun dga' rnam rgyal dpal bzang por gsol/ shing sprel/ phyi lo 1464 lor/ rdzong pa'i gdan sa gong dkar rdo rje gdan phyag btab/ rje btsun brag thog pa las lam 'bras gtsos gsang sngags kyi chos skor dang / gzhan yang / paN chen byams pa gling pa/ stag tshang lo tsA ba/ kun mkhyen sangs rgyal 'phel/ gling smad shes rab dpal ldan sogs bla ma gtso bo nyi shu rtsa bzhi sogs kyi drung nas 'phags bod mkhas pa'i gsung rab phal che bar mnga' brnyes par mdzad/ grub chen bir wa pa las lam 'bras nye brgyud gsan pa sogs yi dam dang bla ma zhal gzigs pa/ grub rtags ston pa sogs kyi rnam thar mang / khyad par du/ rje btsun gong ma rnam lnga char gyi dgongs pa 'gal ba med dang / lam 'bras kyi chos la dag ther/ bka' 'gyur gyi lung rgyun spel bar mdzad pa sogs bstan par mdzad rjes che bas/ gdan sa chen po dpal ldan sa skyar byon pa na bkra shis phra ring bshams pa sogs bkur bsti gya nom pa mdzad/ rgya gar paNDi ta a langka ra dang / dharma di pA ka ra gnyis kyang zhabs la gtugs shing bstod pa'i rab byed mdzad pa sogs rgyas par gang gi rnam thar chen mo sogs su gzigs/ gsung la/ kye rdor rnam bshad nyin snang dang / lam 'bras 'chad thabs zin bris sogs bka' 'bum pod bzhi dang / mdo rgyud du ma dang / sa skya bka' 'bum du mchan btab pa sogs shin tu mang / slob ma ni/ bdag chen bsod nams rgyal mtshan dang / mkhas grub rig pa'i glog phreng / thugs sras kun dga' rgyal po/ paN chen 'bum phrag gsum pa/ zha lu choos skyong bzang po/ 'bri gung mkhan po rnam rgyal mgon po sogs mang / mthar dgung lo drug cu rtsa lnga/ me pho 'brug lo/ phyi lo 1496 bod zla 3 tshes 25 nyin/ gong dkar rdo rje du yun ring thugs dam du bzhugs te mya ngan las 'das so//

rdzong chen kun dga' rnam rgyal gyi rnam thar/ lam 'bras bla brgyud sogs las btus/

p>. gong dkar dga' bas/ [version: 2018-05-10]